Një 60-vjeçar me inicialet M.K., ka ndërruar jetë pasditen e sotme. Mësohet se i ndjeri, banues në fshatin Skrofotinë, Vlorë ka pësuar një aksident, teksa po punonte me një zetor.
Mjeti i punës është përmbysur duke e zënë poshtë 60-vjeçarin dhe për pasojë ky i fundit, ka ndërruar jetë. Në vendin e ngjarjes ka mbërritur grupi hetimor dhe po punon për zbardhjen e plotë të rrethanave të ngjarjes.
Vlorë/Informacion paraprak: Rreth orës 18:25, në hyrje të fshatit Trevllazër, një zetor duke punuar tokën aksidentalisht është përmbysur dhe si pasojë drejtuesi shtetasi M.K., rreth 60 vjeç, banues në fshatin Skrofotinë, Vlorë, ka ndërruar jetë. Në vendngjarje ndodhet grupi hetimor dhe po punon për zbardhjen e plotë të rrethanave të ngjarjes.