Babai i 11 fëmijëve ka ndërruar jetë tragjikisht nga Covid-19. Garry Melia, u diagnostikua me koronavirus, pasi pësoi një atak kardiak në shtëpi. 56 vjeçari, ishte bërë baba i vajzës së tij të 11-të, vetëm 8 javë më parë.
Partnerja e tij Susan,tha:
Nuk ka fjalë që të përshkruajë atë që po ndiejmë familjarisht. Ndihemi të humbur pa të dhe dhimbja nuk do të largohet kurrë. Ai ishte një bashkëshort i përkushtuar dhe një baba shumë i dashur. Garry ka bërë çmos për familjen tonë, në çdo moment. Në çastet e tij të fundit, Garry ishte i pavetëdijshëm dhe nuk mundëm të jepnim as lamtumirën e fundit, pasi vetëm një familjar u lejua ta vizitonte. Ne kemi 7 djem dhe 4 vajza, dhe më duket e pabesueshme që e vogla jonë, pati mundësinë të qëndronte vetëm 7 javë me babain e saj.