Një person në Prizren ka vdekur si pasojë e plagëve të marra nga të shtënat me armë zjarri, ka konfirmuar zëdhënësi i Policisë për rajonin e Prizrenit, Shaqir Bytyqi.
Ai ka thënë se ngjarja ka ndodhur në lagjen “Arbana” rreth orës 19:00.
Bytyqi ka thënë se Policia dhe Emergjenca kanë dalë menjëherë në vendin e ngjarjes derisa mjekët aty e kanë konstatuar vdekjen.
Ai ka bërë të ditur se personi i cili dyshohet të ketë shtënë me armë zjarri është në kërkim nga Policia.