Kryetari i Bashkisë së Tiranës, Erion Veliaj i cili garon për një mandat të tretë ka ironizuar premtimet e Belind Këlliçit për zgjedhjet lokale të 14 Majit. Ai e krahason me Bashën, i cili mes planeve për infrastrukturë kishte edhe tramvajin ndërsa Belind Këlliçi në planin e tij ka transportin publik falas për të gjithë qytetarët e Tiranës.
“Unë nuk besoj se Tirana ka parë hajër as nga tramet imagjinarë, as nga këto historitë e shportave falas në fushatë. Tirana ka parë hajër kur ka pasur punë, kur ka pasur përqendrim për t’i bashkuar njerëzit. Kur ne shqiptarët bëhemi bashkë dhe nuk i vëmë stërkëmbësha njëri-tjetrit, ne bëjmë gjëra të mrekullueshme”, tha Veliaj.
Kryebashkiaku që prezantoi ekipin garues tha se po punojnë fort për të fituar edhe 14 majit. Po ashtu deklaroi se Kryesia rikonfirmoi kandidimin e kryetarëve aktualë në bashkitë e qarkut të Tiranës.