I pranishëm në ceremoninë e nderimit të kampiones së Europës, Luiza Gega në Kryeministri, kryetari i Bashkisë së Tiranës, ka dhënë lajmin për zhvillimin e projektit të njëjtë si tek Arena Kombëtare edhe për Pallatin e Sportit dhe për stadiumin “Selman Stërmasi”.
“Me kërkesë të kryeministrit ne kemi filluar të gjitha procedurat që të bëjmë të njëjtin projekt që u bë me Arenën Kombëtare dhe për Pallatin e Sportit dhe për stadiumin “Selman Stërmasi”. Tani pyetja është do i bëjmë këto sa kemi takat apo do harxhjmë të sqarojmë cinikët, thikat pas shpine që marrin gjysmën e kohës të realizojmë projekte të tilla?”, tha Veliaj në ceremoninë e nderimit për kampionen e Evropës Luiza Gega.
Po ashtu Veliaj tha se Luiza nuk është marrë kurrë me sportin e rrezikshëm të sharjes së vendit.
“Edhe në ditët kur nuk ishte kjo qeveri e kjo bashki, as këto kushte, Luiza nuk e praktikonte kurrë atë që i shari i shtetit të vet, se ka bërë kurrë dhe në ditët e vështira, nuk i doli kurrë një fjalë e keqe, të luajë sportin e sharjes së vendit s’e ka bërë kurrë. Sot jam dyfish krenar si shqiptar dhe kryetari i Bashkisë Tiranë, do jetë xhevahiri i klubit tonë kjo arritje”.