Erion Veliaj ka thumbuar presidentin Ilir Meta në takimin electoral të pasdites ndërsa e ka konsideruar si një politikan të LSI.
“Në këto 4 ditë që kanë ngelur, në këto 4 ditë, dua që secili prej jush të flasë me 4 vetë, me një të PD, me një të LSI, me një të PDIU dhe me një që voton për herë të parë, ose s’ka votuar ndonjëherë. Dua vetëm 4 veta, me kaq qindra dhe mijëra që ne jemi në çdo takim, sikur secili të flasë me 4 veta, një të PD, një të LSI, një të PDIU dhe një që s’ka votuar ndonjëherë dhe t’i thoni: – Nëse ti si unë, si Xhemali, si Blerina, po i rrit fëmijët këtu dhe nuk i ke në Austri dhe në Holandë, eja me ne! Nëse ti si unë, nuk ke një atdhe tjetër përveç Shqipërisë, eja me ne! Nëse ti si unë, i çon fëmijët në çerdhe, në kopshte, në shkolla publike dhe e ke lidhur fatin me Tiranën, eja me ne! Nëse ti si unë, beson që shpresa është më e fortë se frika, eja me ne! Nëse ti si unë, beson që puna është më mirë se dhuna, eja me ne dhe bashkohu me Partinë Socialiste të Shqipërisë! Nëse beson se dashuria e mund urrejtjen, eja me ne në familjen tonë, ku njerëzit nuk tradhtohen, ku njerëzit nuk lihen pas, ku puna nuk lihet përgjysmë dhe ku afatet respektohen dhe njerëzit trajtohen me respekt, eja me ne!”, theksoi Veliaj.