A duhet që punëtorët të paguajnë me zbritje nga rroga për pushimet e kafesë dhe cigareve?
Ky është një debat shumë “i nxehtë” në Spanjë pasi gjykata e lartë e vendit vendosi në favor të GALP, një kompani portugeze benzine me një dyqan në Spanjë që filloi të zbriste pagën për punonjësit që kaluan kohën jashtë ambienteve të punës.Kjo përfshinte pushimet për një kafe apo cigare.
Sindikata që solli çështjen tani planifikon të apelojë aktvendimin. Pavarësisht, zyrtarët thanë se vendimi nuk do t’i prekë të gjithë punonjësit.
Kjo për shkak se zbritja e kohës për pushimet e cigareve dhe kafesë do të mbështetet në negociatat midis sindikatave dhe punëdhënësve. Nëse nuk është e qartë se punonjësit mund të bëjnë këto pushime gjatë orarit të punës, kompania do të jetë në gjendje t’i zbresë nga rroga.