Përshkallëzimi i masave nga qeveria me qëllim parandalimin e përhapjes së Covid-19, duke aktivizuar prej ditës së djeshme kategorinë ‘Leje për dalje’, e cila kërkohet në platformën elektronike e-albania dhe i mundëson vetëm një anëtari të familjes të lëvizë për të kryer shpenzimet dhe përmbushur kërkesat utilitare apo emergjencat që kanë brenda një kohe rekord prej 1 ore, (brenda fashës orare 5:00- 13:00), ka bërë që fluksi i aplikimeve në platformë ta çakordojë atë.
Të shumta kanë qënë denoncimet në rrjetet sociale ku njoftohet se në platformë nuk gjeneron dot aksesin e nevojshëm që i duhet një qytetari dhe njoftohen me një mesazh automatik: “Një gabim ndodhi…”
Por a i ka penguar mosmarrja e një lejeje qytetarët të levizin?
Nga vëzhgimi i Tirananeës.al në disa prej akseve kryesore të kryeqytetit vihet re një rënie drastike e lëvizjes së qytetarëve në rrugë, numri i automjeteve në lëvizje gjithashtu është tejet i kufizuar.
Por në pamundësi për të disponuar një leje për dalje disa qytetarë kanë bërë ‘siç dinë vetë’, duke mos marrë parasysh gjobat dhe penalizimet e rënda të unfirmova blu./ tirananews.al