Tre gola brenda 9 minutave në sfidën çerekfinale të Europa League midis Interit dhe Bayer Leverkusen. Zikaltrit kaluan në avantazh në minutën e 16-të falë Nicolo Barella.
Aksion i bukur i zikaltërve dhe mesfushori italian e finalizoi me një gjuajtje të saktë nga vija e 16-të metrave. 23-vjeçari dhuroi një goditje të bukur me të jashtmen, teksa ekipi italian shënoi sërish gjashtë minuta më pas.
Kësaj radhe ishte i përhershmi Lukaku ai që dërgoi topin në rrjetë. Bomberi belg mori një top nga Young, e mbrojti me potencë atë dhe në rrëshqitje e sipër goditi drejt portës gjermane.
“Aspirinat” reaguan në minutën e 24-t. Kai Havertz nuk gaboi përpara portës mike, duke rikthyer ekipin e tij në lojë dhe duke gjetur golin e shpresës për skuadrën gjermane.