Anija detare e Britanisë, “HMS Queen Elizabeth” për pak sa nuk u godit nga një skuadrilje avionësh luftarakë rusë supersonikë. Treshja e avionëve bombardues SU-24 u filmuan duke fluturuar drejt aeroplanmbajtëses 3.2 miliardë paundëshë, ndërsa lundronte drejt Kanalit të Suezit.
Pamjet e jashtëzakonshme, të filmuara në qershor 2021 gjatë misionit të parë operacional të Mbretëreshës Elizabeth, janë zbuluar sot përpara publikimit të një dokumentari të BBC-së për vendosjen shtatë-mujore të anijes në Lindjen e Largët.
Ishte hera e parë që nga Lufta e Ftohtë që Moska pranoi se përdori municion të vërtetë për të penguar një anije luftarake të NATO-s. Kremlini madje publikoi pamjet e filmuara nga një prej avionëve të tij sulmues Su-24M që tregonin HMS Defender duke lundruar jashtë Krimesë.
Pamjet tregojnë avionët që rrotullohen rreth anijes përpara se të kthehen në hapësirën ajrore ruse me një nga pilotët që i dërgon një mesazh ekuipazhit të Duncan-it, duke thënë: “Paçi fat, djema”.