Një ngjarje e rëndë ka ndodhur dje në Haiti, ku një avion i vogël është rrëzuar në mes të rrugës duke shkaktuar të paktën 6 persona të vdekur.
Shefi i Policisë, Belamy Samedi njoftoi se aeroplani po fluturonte nga kryeqyteti Port-au-Prince për në qytetin jugor të Jacmel, shkruajnë mediat vendase.
“Pashë pesë trupa të palëvizshëm dhe të paktën tre persona të plagosur që nuk ishin në aeroplan”, u shpreh ai.
Më herët ai kishte thënë se piloti kishte shpëtuar, por policia më vonë sqaroi se piloti ishte në mesin e pesë të vdekurve në bordin e aeroplanit.
Përplasja thuhet se vrau gjithashtu një shofer motoçiklete dhe plagosi pesë persona të tjerë në tokë, sipas gjyqtarit Moise Jean. Të gjithë të plagosurit u dërguan në spital.
Samedi tha se aeroplani goditi gjithashtu një kamion që transportonte mallra konsumi.
“Jam thellësisht i pikëlluar, pas këtij rrëzimi të një avioni të vogël në rrugën Carrefour, i cili ka shkaktuar vdekje dhe lëndime”, shkroi dje kryeministri i vendit, Ariel Henry në “Twitter”.
— Pierre Côté (@pierrecote) April 20, 2022