Ka nisur rreth orës 17:00 protesta te “Unaza e Re” në kryeqytet, që shënon sot ditën e 61.
Ashtu si nga dita e parë e saj, banorët kundërshtojnë prishjen e banesave të tyre, siç e parashikon plani për ndërtimin e aksit nga sheshi “Shqiponja” deri te mbikalimi pranë pallatit me shigjeta.
Protestuesit kanë lëshuar thirrje kundër qeverisë dhe kryeministrit Edi Rama, si dhe kanë kërkuar burgosjen e ministrit të Transporteve Damian Gjiknuri.
Protesta pritet të përfundojë rreth orës 18, ndërkohë që trafiku është rënduar për shkak të bllokimit.