Në emisionin “Log” në ABC, pati një përplasje të fortë mes deputetit demokrat Dashnor Sula dhe Nënkryetarit të Partisë së Lirisë Agim Nesho.
Debati nisi kur Nesho akuzoi PD se ka qenë e kompromentuar me mazhorancës. Kaq ka mjaftuar dhe deputeti Sula i ka kujtuar aleancën që LSI bëri me PS. Kujtojmë që Sula njihet si pjesë e grupit parlamentar të Alibeajt.
Debati
Agim Nesho: Dua të them si LSI dhe Partia e Lirisë dihet që edhe pjesë të opozitës ishin të kompromentuar për ta goditur atë
Dashnor Sula: Lëre ambasador me gjithë respektin tim. Mos thoni gjëra që nuk i besoni as vetë jo ju po asnjeri
Agim Nesho: Unë e besoj se gjithë ecuria politike kështu ka vajtur se për 10 vjet nuk u tregua asnjë progres
Dashnor Sula: Këtu është parimi që po fjete me mua je grua e ndershme në krevat, po nuk fjete me mua je e përdalë.
Agim Nesho: Nëse ju mendoni se e njihni të drejtën
Dashnor Sula: Unë besoj te moraliteti, që deri dje kur ishim bashkë ishim më të mirë të dashuruar, pastaj kur ndahemi qenkemi më të këqinjtë. Unë nuk besoj kështu.
Agim Nesho: Të flasim më konkretisht gjatë gjithë zgjedhjeve politike dhe lokale, LSI ka qenë faktori kryesor në përcaktimin e zgjedhjeve. Në shumicën prej tyre. Mos ta mohojmë, mos të flasim relativisht
Dashnor Sula: Ku ka qenë
Agim Nesho: Te të gjitha.
Dashnor Sula: Vetëm te PS, te PD nuk ka qenë. Në 2009 nuk ka qenë. Ka fituar PD 70 mandate.
Agim Nesho: Jo vetëm për zgjedhjet lokale, por ka qenë edhe për zgjedhjet politike determinuese
Dashnor Sula: 70 mandate
Agim Nesho: Ka qenë me qëllimin e mirë për të bërë rotacionin politik në Shqipëri
Dashnor Sula: 25 burra profesorë, Besnik Mustafaj, Rexhep Uka, Gëzim Karapici të nderuar që kishin fituar mandate në 2005 në maxhoritar. Ishte marrëveshja në prill të 2008 që shkatërroi dhe fundosi demokracinë. Unë nuk e quaj për mburrje. Jam një nga ata 5 burra që kam votuar kundër,. Bashkë me kryetarin e zotit Nesho, zotin Meta dhe tre të tjerë.
Agim Nesho: Është çështje parimore
Dashnor Sula: Parimore pra. Unë them atë që është. Kurse në 2013, marrëveshja e 1 Prillit tregon që e solli Ramën në pushtet