Mjaft e tensionuar ka qenë situata në spital ku ministri i Brendshëm Sandër Lleshaj kishte shkuar për të vizituar efektivët e plagosur mbrëmë gjatë protestës. Aty kanë qenë dhe ish-deputetët e opozitës të cilët nuk kanë munguar debatin me kreun e ministrisë së Brendshme.
“Edhe serbët nuk sillen kështu”, mësohet ti ketë thënë Lleshajt, ish-deputeti Bardh Spahia, ndërsa ky i fundit ka përdorur edhe shprehe të tipit “i pafytyrë”.
DEBATI
Spahia: Ministri e ka mbushur spitalin me policisë dhe civile dhe ka largu mjekët, ish deputetë përfaqëues të opozitës. Ky është pushteti i sotëm, fytyra e shtetit të ministrit në fjalë, i kanë ditët e numëruara
Lleshaj i drejtohet të largohet
Spahia: Puna ime është t’u pengoj ju të trajtoni shqiptarët si serbë, kjo është puna ime.
Lleshaj: T’ju vijë turp
Spahia: Turp tu vijë ju, shko shifi plagët atyne njerëzve, shko shifi e ke mbushur spitalin me policë
Lleshaj: Me çfarë statusi ke ardhur këtu
Spahia: Me statusin e përfaqësuesit të opozitës, jo me atë opozitë që keni bërë ju. Kur u bëre ti ministër imagjino cfarë statusi duhet, me mu flet ti ashtu, po ik mbaj përgjegjesi. E keni afër fundit, edhe serbët nuk sillen kështu, shiko si i keni bërë
Lleshaj: Kush i ka bërë kështu, dorën tënde të zezë, që ua ke bërë edhe qytetarëve edhe policëve, more i pafytyrë
Spahia: Edhe policët që i lini pa mbrojtje, ca doni mos me protestu njerëzit