Mediat greke shkruajnë se shkak i vrasjes së ndodhur mbrëmjen e djeshme dyshohet se ishte larja e hesapeve. Gjithashtu dyshohet se shqiptarët e vrarë janë të moshës 41 dhe 44 vjeç, kanë të shkuar të errët kriminale.
41-vjeçari ka qenë i skeduar për trafik droge, armëmbajtje pa leje dhe grabitje, ndërsa viktima tjetër ka qenë i skeduar për trafik droge.
Mediat greke thonë se autori i krimit mendohet të jetë një vrasës profesionist. Në videot e bëra publike, shihet një person, i cili afrohet pranë tavolinës ku ndodheshin dy shqiptarët dhe i qëllon.
Njëri prej tyre ndërroi jetë në vend, ndërsa tjetri ndërroi jetë në spital.
Autori ishte i veshur me të zeza dhe mbante në kokë një kapuç, ndërsa fytyrën e kishte të mbuluar me një maskë kirurgjikale.
Νέα Σμύρνη πριν. Μέσα σε κόσμο. Πάμε πολύ πολύ καλά #νεασμυρνη pic.twitter.com/NOWRMfC1wD
— island (@islandlayer13) December 18, 2022