Ndeshja e fundit e Flamurtarit në kryeqytet, duket se ka lënë pasoja te vlonjatët duke qenë se vendimet e gjyqtarit që e lanë me 10 futbollistë pas golit të shënuar. Në fakt, u duk një vendim absurd për të larguar Andi Ribajn e megjithatë, Flamurtari nuk ka ankesa vetëm për kartonin.
Nëpërmjet një postimi në rrjetin social ‘Facebook’, klubi vlona ka publikuar të gjitha gabimet që gjyqtari ka bërë në takimin ndaj Partizanit, ku disa ndërhyrje të gabuara të vendasve, nuk janë akorduar faull apo të jepen kartonë.
Kjo nuk është hera e parë që Flamurtari bie pre e gabimeve të gjyqtarëve duke qenë se ën vitet e fundit ka pasur shpesh herë ankesa të tilla. Këtë radhë, vetë gjyqtarët e kanë pranuar se kanë gabuar me kartonin e kuq që i është nxjerrtë Ribajt.