Një grup i strukturuar kriminal që merrej me kultivimin e kanabisit u zbulua së fundmi në Greqi.
Organizata kriminale përbëhej nga shtetas grekë dhe shqiptarë, ndërsa mes 10 të arrestuarve kishte edhe gra.
Policia greke ka publikuar video dhe foto të operacionit, ndërsa bën me dije se kanabisi kultivohej në zonat e mëdha të Atikës, Arkadisë dhe Korintit.
Fitimet e mundshme vlerësohen në 1.5 milionë deri në 1.8 milionë euro.
Në total u sekuestruar afro 1500 bimë kanabis, mbi 1 kuintal hashash, gati për shitje, 27 telefona celularë, 18 mijë euro dhe materialet që përdoreshin për kultivimin e drogës.