Nutricionistja e njohur Diola Dosti Baftiu ishte një nga të ftuarat e Bieta Sulos në “Ftesë në Pesë”, në Top Channel.
E qeshur dhe plot pozitivitet, ajo tregoi më shumë për jetën personale si edhe martesën në Kosovë, aty ku jeton prej vitesh me bashkëshortin dhe tre fëmijët e tyre.
Diola pranoi se në fillim e kishte të vështirë të përshtatej, aq më tepër kur haste vështirësi gjatë komunikimit me njerëzit atje.
E si për ta faktuar këtë, ajo ndau një histori shumë personale, teksa kishte shkuar për të uruar familjarët e bashkëshortit për një rast synetllëku.
Për fatin e saj të keq, atë ditë nuk kishte patur pranë bashkëshortin dhe kur kishte ardhur radha e saj për të uruar ishte gjetur në një situatë shumë të sikletshme. E pasigurtë se çfarë duhet të thoshte dhe si urohej në ato raste, fjalët e vetme të Diolës kishin qenë: “Përshëndetje, si jeni? Ishalla i rritet!”
Kishte mjaftuar vetëm kaq që të pranishmit të shkriheshin gazit e Diola të skuqej nga sikleti.