Tartar Bazaj ka rrëmbyer vëmendjen e mediave për shkak të ‘nazeve e hatërmetjeve’ që nuk ka pasur frikë që t’i bëjë publike.
Bazaj akuzon kreun e Këshillit të Lartë të Prokurorisë se nuk i ka dërguar kartolinat për Vitin e Ri. Madje është treguar i kursyer edhe në tollonat e naftës duke i thënë shumë më pak se ajo që i takon me ligj.
Vartësi i Gent Ibrahimit, edhe pse është akuzuar për falsifikim të shkollës së mesme apo plagosje, nuk e ka humbur popullaritetin. Aq shumë sa krah emrave si Berisha, Meta apo edhe Rama, i ka dedikuar një këngë me iso.
“Urime zotit Tartarë. Urime të vinë nga rrënja, lumturi është…*përmendet një emër,”-është një nga vargjet që dëgjohet.
Por sigurisht që Bazaj është modest, dhe ashtu siç e shihni edhe ju në video, vëmendja dhe nderi që i bënë, e skuqën nga sikleti.