Sekretari Amerikan i Shtetit, Antony Blinken vizitoi Tiranën një ditë më parë, duke shënuar një moment të rëndësishëm për Shqipërinë në arenën politike në Ballkan dhe Europë. Mëngjesin e sotëm, kryeministri Edi Rama ka publikuar një video ku tregohen momentet më ”pikante” të kësaj vizite.
Në një moment në pamjet filmike të takimeve të risjella në vëmendje nga Kryeministria, është shkëputur edhe një fragment i fjalës së zyrtarit të lartë amerikan, teksa ky i fundit shpreh mirënjohjen për marrëdhëniet dhe partneritetin e jashtëzakonshëm midis Shqipërisë dhe SHBA.
Sipas Blinken, përgjatë këtyre tre vite e gjysmë nuk ka pasur një moment kur kryeministri Rama të mos jetë reshtuar krahë aleatëve në kohë të vështira.