Policia arrestoi 3 persona ditën e sotme në Tiranë pasi ata, në bashkëpunim me njëri-tjetrin hidhnin në qarkullim nëpër pika të këmbimit valutor dollarë fallso. Të arrestuarit janë shtetasit Viard Kotori 29 vjeç, banues në Tiranë, Etmond Dokushi, 32 vjeç, banues në Kavajë, dhe Ervin Kamolli, 32 vjeç, banues në Rrogozhinë.
Si ç’shihet dhe tek kjo video e siguruar nga ABC, një nga të rinjtë futet në një pikë të këmbimit valutor me dy mijë dollar të falsifikuara. Por, në momentin që punonjësja merr paratë në dorë dhe i verifikon ato, ajo kupton gjithçka dhe tenton të telefonojë policinë. Pikërisht në atë çast, i riu largohet nga pika e Exchange-t.
Biseda mes të riut dhe punonjëses:
I riu: Si kalove…po flisje, po haje bukë?
(Punonjësja shikon lekët)
I riu: Ca ka?
Punonjësja: Ku shkon me këto?
I riu: Urdhëro, si ku shkoj?
Punonjësja: Se janë false të gjitha.
I riu: Je mirë?
Punonjësja: Ti sjell false dhe thua a jam mirë unë, apo të telefonojë policinë dhe të shohim kush është mirë ti apo unë
I riu: Janë marrë nga banka
Punonjësja: Janë marrë nga banka?
I riu: A ka mundësi që të mi japësh lekët mbrapsht?
Punonjësja: Pse i sjell në këtë zyrë false
(I numëron, i dalin rreth 2000 dollarë)
I riu ikën me shpejtësi