Katër automjete janë përplasur paraditen e sotme në Pyllin e Sodës në Vlorë. Tre automjete që vinin nga drejtime të ndryshme janë përplasur me njëra-tjetrën, ndërsa automjeti i katërt që është goditur ka qenë i parkuar.
Mësohet se nga aksidenti ka mbetur i plagosur një person i cili është transportuar me urgjencë në spitalin e Vlorës, ndërsa dy vajza janë lënduar lehtë për shkak të përplasjes. Fatmirësisht të tre pa probleme për jetën, ndërkohë që policia ka nisur hetimet.