VIDEO/ Policia i futet me vinç nga ballkoni, kapet 30-vjeçari i cili i vuri flakën një makine në Korçë

Dy efektivë të policisë së Korçës u futën me vinç nga ballkoni për të arrestuar brenda në shtëpinë e tij Samuel Pengun. 30-vjeçari u arrestua pasi akuzohet se orët e para të kësaj të mërkure i vuri flakën një makine. Në momentin e ndërhyrjes, policia thotë se i riu bëri rezistencë, megjithatë në fund, dy efektivët e nxorën të prangosur nga dera e shtëpisë. Pengu rezulton person me precedentë të mëparshëm penalë në fushën e narkotikëve, krimeve kundër personit dhe të armëmbajtjes pa leje.