Shqipëria tashmë ka një tjetër impiant të ri futbollistik me kushte modern dhe ai është “Kukësi Arena”. Stadiumi ka një kapacitet prej 6200 vendesh dhe është ndërtuar në përputhje me të gjitha kriteret e UEFA-s.
Ndërkohë, sot u bë edhe inagurimi i stadiumit, ku nuk munguan aktivitetet, muzika, kërcimi me valle tradicionale, artistë të ndryshëm si dhe tifozët që kishin mbushur shkallët e stadiumit, pasi sot luhet dhe sfida e parë e verilindorëve në këtë impiant, të cilët do të ndeshen përballë Laçit.
Gjithashtu, duke qënë një investim 50% me 50% i qeverisë shqiptare dhe i FSHF-ës, kryeministri Edi Rama ishte i pranishëm në ceremoninë e inaugurimit së bashku me djalin e tij dhe anëtarë të tjerë të qeverisë.
Për herë të parë publikisht, pas zgjedhjeve në FSHF, stadiumi i ri bëri bashkë kryeministrin Rama dhe Armand Dukën.
Si trofeu më i rëndësishëm që i solli këtij qyteti, nuk mund të mungonte në asnjë momente as kryetari i Bashkisë Kukës, njëkohësisht edhe presidenti i nderit i këtij klubi, Safet Gjici.