Në gjithë territorin e vendit ka mbi 12 milionë rrënjë ullinj, 10 milionë prej të cilave janë aktualisht në prodhim.
Kryeministri Edi Rama ka postuar në rrjetet sociale, pamje mbresëlënëse nga kodrat me ullinj në fshatin Dushk të Lushnjës, të cilat i cilësoi si “kodrat e jetës”. Në gjithë vendin janë rreth 250 fabrika që prodhojnë vaj ulliri dhe 95 % e prodhimit të ullirit shkon për prodhimin e vajit.
Për periudhën janar -qershor 2023 sipas të dhënave të Ministrisë së Bujqësisë u eksportuan 1,400 ton vaj, kundrejt 326 ton vaj që u eksportuan në total në 2022. Krahasuar me 2022 eksportet deri në muajin qershor janë 3-fishuar.
Për këtë vit, Ministria e Bujqësisë dhe Zhvillimit Rural parashikon ngritjen e laboratorëve të akredituar me qëllimin ofrimin falas së analizave për cilësinë e vajit të ullirit. Po ashtu parashikohet edhe shtimi i kapaciteteve grumbulluese, depozituese, paketuese dhe të etiketimit të vajit të ullirit.