Në punën e përditshme të promovimit në rrjete sociale të turizmit veror që ofron Shqipëria nga cepi në cep të territorit, kryeministri Edi Rama ka postuar një video ku tregon më shumë për Lumin e Shalës. Parku natyror i luginës së Shalës edhe këtë sezon veror vijon të jetë ndër destinacionet që nuk mungojnë në itinerarin e turistëve vendas e të huaj.
I cilësuar nga turistët dhe mediet e ndryshme ndërkombëtare si Tajlanda shqiptare, Lumi i Shalës tërheq çdo vit e më shumë vizitorë vendas e të huaj.
Për të shkuar në Lumin e Shalës duhet të udhëtoni me varkë përmes bukurive natyrore të liqenit të Komanit. Shtimi i bujtinave dhe krijimi i infastrukturës së përshtatshme për pritjen e turistëve të shumtë në këtë destinacion ka rritur numrin e turistëve.