Zbulimi i videos shokuese të Berhan Bajrakurtit, policit të Malësisë së Madhe dhe shantazhi ndaj 15-vjecares duket se ka qenë vetëm maja e ajsbergut.
Deputeti i PD-së, Ervin Salianji shkruan sot se disponon një mori videosh të neveritshme, që efektivi i regjistronte, qoftë për shantazh, qoftë për të denigruar viktimat e tij.
Salianji shkruan sot se “Efektivi B.B ishte larguar nga policia e shtetit për tentativa përdhunimi, por u rikthye nga angazhimi që pati për Rilindjen, pasi shërbeu si komisioner gjatë zgjedhjeve”.
Sipas Salianjit, “Sot ekzistojnë prova dhe video që viktimat i denonconin në polici, këto video i disponon policia e shtetit! Disa prova dhe video më kanë ardhur në inbox nga punonjës policie dhe janë neveritëse po aq sa mosreagimi i shtetit në raste të tilla”.
