Teuta i ka dhënë sot lamtumirën Ligës së Europës në turin e dytë, ashtu siç pritej, pasi e kishte të pamundur përballë Granadës, një ekip i cili po bën mjaft mirë në La Liga. Një humbje 4-0 që tregon diferencën e thellë mes dy skuadrave.

Por durrsakët ia bënë shumë të lehtë Granadas duke u shfaqur shumë të frikësuar në minutat e parë të sfidës e duke bërë gabime individuale të pafalshme. Kjo i mundësoi Granadës të shënonte dy herë me Soldado e Kenedi që në 10 minutat e parë, për ta bërë më të thjeshtë kualifikimin e mëtejshëm.

Më pas, do të vinin dy gola të Herrera të cilët mbyllën sfidën që në fillimin e pjesës së dytë dhe vulosën rezultatin e sfidës që nuk ndryshoi derinë fund, edhe pse durrsakët mbetën me 10 futbollistë pas daljes me karton të kuq të Beqjes.

PËRGJIGJU

Please enter your comment!
Please enter your name here