Në stadiumin “Panthessaliko”, Kosova është duke u përballur me Greqinë. Ndeshja ka filluar në ora 20:45, në një sfidë ku nuk ka munguar tensioni.
Tifozët e Kosovës dhe ata të Greqisë vazhdojnë të kenë probleme, teksa raportohet se ka pasur përleshje në përfundimin e pjesës së parë.
Si të mos mjaftonte fishkëllimi i himnit të Kosovës, gjuajtja me gurë ndaj “Dardanëve” dhe vendosja e flamur serb në stadium, tifozët grekë kanë kaluar rrethimin e brendshëm duke depërtuar në tribunën ku ishin të vendosur “Dardanët”, teksa ka pasur edhe përleshje. Është dashur ndërhyrja e menjëhershme e policisë, për të mos lejuar precipitimin e situatës.