Kryetari Bernard Jamet vëren me qetësi Sannois (Val-d’Oise) në Francë, qytetin e tij dhe kjo nga maja e bashkisë. Kjo “birucë”, siç e quan ai me humor, i lejon të vëzhgojë të shtënat me fishekzjarrë ose tymuese nga adoleshentët e rebeluar pas vrasjes së 17-vjeçarit Nahel nga policia.
Qëllimi i tij është t’i denoncojë sjelljet e dhunshme në polici. Ai dhe ekipi i tij komunal kanë qëndruar në bashkinë e qytetit çdo mbrëmje, nga ora 23:00 deri në orën 03:00 dhe kanë lënë dritën ndezur për të treguar se ka prezencë njerëzish.
“Në fillim u ndamë në dy grupe”, shpjegon Laurence Trouzier-Evêque, nënkryetarja e bashkisë, duke shijuar një copë byreku të sajuar nga kolegët e saj. “Në fund atmosfera është e mrekullueshme dhe vendosëm të qëndrojmë bashkë”, shtoi ajo.