Presidenti i Ukrainës, Volodymyr Zelensky i është përgjigjur lajmeve që kanë qarkulluar nga Rusia ditën e sotme se ai është larguar nga Kiev dhe është strehuar në Poloni. Përmes një video-selfi, Zelensky thekson se ai ndodhet në kryeqytetin ukrainas, në Kiev dhe nuk ka ikur askund.
Zelinksy vuri në dukje se ka çdo dy ditë që qarkullojnë lajme që ai është larguar nga vendi, por ai thekson se nuk e ka braktisur vendin.
“Unë jam në Kiev, në vendin tim të punës, duke punuar. Askush s’ka ikur kund!” tha Volodymyr Zelenskyy nga zyra e tij në rrugën Bankova.
Videoja u shfaq në faqen e tij në Instagram, teksa ai shpjegon më tej: “Çdo dy ditë ka informacione se unë kam ikur diku: nga Ukraina, nga Kievi, nga zyra. Unë jam këtu, në vend. Askush s’ka ikur. Ne jemi duke punuar”, shprehet Presidenti Zelensky duke mohuar informacionet se ai dyshohet se është larguar nga Ukraina.