Një 28-vjeçar ka rënë në pranga në qytetin e Durrësit, ndërsa një i mitur është vënë në hetim në gjendje të lirë. Të dy dyshohet se në bashkëpunim me njëri tjetrin kanë vjedhur disa banesa në qytetin e Durrësit.
Arrestimi i tyre është bërë pas disa informacioneve dhe kallëzimeve në Policinë e Durrësit. Sipas policisë, vjedhjet janë kryer në harkun kohor 13 janar deri në 14 shkurt 2024.
“Menjëherë pas kallëzimeve të bëra për vjedhje dhe tentativa për vjedhje, në banesa dhe në ambiente të tjera, kryesisht në lagjet nr. 13 dhe nr. 14, specialistët për Hetimin e Krimeve të Komisariatit të Policisë Durrës, në bashkëpunim me ata të Forcës së Posaçme “Shqiponja”, vunë në pranga shtetasin R. M., 28 vjeç, si dhe referuan materialet në Prokurori, ku nisi procedimi në gjendje të lirë për një shtetas 17 vjeç, të dy banues në Durrës”, njofton policia.