Mbi 33 grabitje në zona të ndryshme të Italisë, por aventura e “skifterëve” shqiptarë ka përfunduar me arrestimin e tyre nga karabinierët.
Mediat italiane thonë se janë tre shqiptarë që dyshohet të jenë anëtarë të një bande kriminale që grabisnin vila e banesa në zonat veriore të Italisë janë vënë në pranga.
Mediat italiane raportojnë se hetime e kryera nga Policia e Pordenones në bashkëpunim me atë të Milanos dhe Trevizos kanë zbardhur mbi 33 grabitje të kryera nga shqiptarët në periudhën e prag festave të fundvitit 2018, kryesisht në provincën e Pordenones dhe të Trevizos.
Vlera e objekteve, bizhuterive, parave cash e shufrave prej floriri të vjedhura kanë kapërcyer vlerën e 1 milionë euro. Policia ka zbuluar gjithashtu se mjaft prej objekteve dhe parave të grabitura ricikloheshin apo investoheshin në Shqipëri.