Vijon procesi dhe nëpër rrethe, Subashi dhe Malaj: Qytetarët të marrin pjesë masivisht në zgjedhje

Procesi i votimit ka vijuar në të gjithë Shqipërinë. Kandidati për bashkinë e Fierit nga radhët e PS Armando Subashi ka hedhur votën e tij këtë mëngjes rreth orës 08:00. Ai ka qenë i shoqëruar edhe nga bashkëshortja e tij. Pas daljes nga qendra e votimit, Subashi deklaroi se qytetarët duhet të dalin të votojnë pasi procesi është i qetë dhe pa probleme.
“Qytetarët të dalin të votojnë pasi siç shihet këtu fluksi është i madh, probleme nuk ka kështu që procesi është normal”, tha Subashi.
Votimi po vijon normalisht edhe në Burrel. Kandidati i koalicionit të majtë Agron Malaj votoi që në orët e para të mëngjesit, ndërsa në një prononcim për mediat falenderoi të gjithë banorët e Matit për qytetarinë dhe i ftoi ato të marrin pjesë masivisht ne votime.