Nga 11 zyrtarët e prangosur sot, vetëm Tushe është subjekt i deklarimit të pasurisë, në cilësinë e kryebashkiakut. Nga verifikimi i deklaratave vjetore të pasurisë, Fatos Tushe është pronat me 100 % i një vile 2-katërshe me sipërfaqe 118 m2 në Lushnjë, deklaruar 3.5 milionë lekë. Tushe është pronar edhe i një apartamenti në Durrës, me sipërfaqe 60 m2 në Durrës, të cilin deklaron se ka blerë në vitin 2004 për 1.9 milionë lekë.
Kryebashkiaku ka në pronësi 100 % edhe një apartament tjetër në Lushnjë, me sipërfaqe 79 m2, të cilin thotë se e ka blerë në vitin 2010 për 2.8 milionë lekë. Tushe ka në pronësi 100 % edhe dy lokale në Lushnjë, të cilët thotë se i ka blerë gjithashtu në vitin 2010, me sipërfaqe 28 m2 blerë në vlerën 1.7 milionë lekë si dhe me sipërfaqe 79 m2 blerë në vlerë 4.7 milionë lekë ose 47 mijë USD. Lokalin 28 m2 e ka shitur më pas. Tushe deklaron se ka marrë një kredi 185 mijë euro, e cila me sa duket ka shërbyer për blerjen e pasurive. Kryebashkiaku i Lushnjes thotë gjithashtu se është bashkëpronar me 50 % i një sipërfaqe toke 500 m2 në Voskopojë, blerë në vitin 2006, për 1.5 milionë lekë.
Tushe thotë se i ka dhënë hua një personi 70 mijë euro me interes në vitin 2009. Në vitin 2010, deklaron rreth 11 mijë euro interesa nga dhënia e kësaj huaje. Në vitin 2011, deklaron rreth 13 mijë euro interesa nga huaja, ndërsa në vitin 2012 rreth 3 mijë euro. Pra, në tre vite nga dhënia e huas me interes e 70 mijë eruarve, ka fituar 27 mijë euro. Në vitin 2016, Tushe deklaron shitjen nga bashkëshortja të një makine tip Daimler Chrysler, 3 500 euro, e cila nuk figuron e deklaruar më parë. Të ardhurat e Fatos Tushe janë vetëm paga e tij si kryebashkiak dhe paga e bashkëshortes rreth 500 000 lekë në vit.