Presidentja e Komisionit Evropian, Ursula von der Leyen prej ditë së djeshme po shijon bukuritë e Kretës, ku dhe është fotografuar me bashkëshortin e saj, Heiko dhe kryeministrin grek Kyriakos Mitsotakis, si edhe bashkëshorten e tij Mareva.
Ursula von der Leyen dhe bashkëshorti i saj Heiko von der Leyen, kanë udhëtuar në Kretë për një pushim të shkurtër nga detyrat e tyre dhe po qëndrojnë në Villa Mitsotaki, në Akrotiri.
Të shtunën mbrëma, të ftuarit e Kyriakos dhe Mareva Mitsotakis shijuan darkën e tyre me pjata Kretase me pamje nga Gjiri i Soudës. Ndërsa sot, Leyen është fotografuar sërish me Mitsotakis, ku ky i fundit zgjodhi t’i tregojë bukuritë e plazheve të Sfakias, me varkën e Damoulis, e cila tradicionalisht i çon në këto vende.
Kjo është një vizitë private, e cila do të zgjasë tre ditë, raportojnë mediat greke.