I riu Nikoll Sherrniku, personi që dyshohet se ndihmoi me logjistikë autorët e masakrës në Don Bosko ku e vrarë mbeti tragjikisht banakierja Mimoza Paja, doli këtë të premte përpara gjykatës ku u njoh me masën e sigurisë së “arrestit me burg”.
Sherrniku akuzohet se siguroi në Gjermani targat gjermane për makinën e personave që morën pjesë në atentatin nga ku mbeti e vrarë banakierja e lokalit të Fation Muratit. Dëshmia e një pronari servisi në Gjermani, shtetas kosovar i cili ka deklaruar se target i ka marrë Sherrniku.
Gjithashtu në dosjen hetimore thihet se një mik i Sherrnikut nga Fushë-Kuqja ka deklaruar se “targat i ka marrë Nikolli për llogari të Ervis Martinaj sepse donte t’i shmangej policisë”.
Sherrniku njihet si një person i afërt me Brilant Martinaj i ekzekutuar në mbikalimin e Fushë-Krujës, por dhe i të zhdukurit Ervis Martinaj. 28-vjeçari ka qenë i dyshuar dhe ndaluar për vrasjen e ish-policit Xhulio Prela, por më pas është liruar për mungesë provash.