Ish-ministri i Jashtëm, dhe ish-deputeti i PD-së, Tritan Shehu ka reaguar pas deklaratës së ministrit të Brendshëm, Sandër Lleshaj se faji për mos sinjalizimin në kohë të grabitjes së djeshme ishte i koncesionarit kinez që menaxhon Aeroportin e Rinasit.
Por Tritan Shehu në qëndrimin e tij thekson se gjendja në Rinas është lënë qëllimisht e tillë dhe askush nuk i del për zot, pasi sipas tij duan që ta shndërrojnë në një hapësire për keqbërësit.
“Një aeroport pa sovranitet është dhe pa siguri! Dëgjoj Ministrin e Brendshëm qe akuzon koncesionarin kinez për atë qe po ndodh ne Rinas! Dua t’i kujtoj se ai aeroport është pjese e Shqipërisë, porta e saj, imazhi i saj, nën sovranitetin shqiptar.
Prej kohesh kam kërkuar shpjegime se si është e mundur qe ne atë vend prezantimi te Shqipërisë, neve te prezantohemi me flamurin kinez e jo me atë të BE, krahas shqiptarit.
Kjo pa dyshim që nuk cenon vetëm imazhin tone, përkatësinë tone, por edhe sovranitetin tone. Siç duket edhe pasiguria ekstreme në atë aeroport, pa përgjegjshmëria ndaj tij, pa qartësia e shprehur edhe sot se kush është “zot” i tij, lidhet dukshëm edhe me cenimin e sovranitetit mbi atë, aq sa tashti askush nuk i del me për zot.
Ndoshta kjo gjendje “ekstra territoriale” e Rinasit është krijuar për te sherbyer si “gjethe fiku”, pikërisht për ta kthyer atë ne një hapësire keqbërësish. Ka ardhur koha për shpjegime e përgjegjësi te qarta!”, theksoi Shehu.