Këtë të diel, një e moshuar e moshës 80 vjeç ka rënë nga kati i tretë i pallatit ku banonte dhe është dërguar menjëherë në spital..
Sipas policisë, e moshuara me inicialet Gj. S., rreth 80 vjeçe, ndodhet ne Spitalin Rajonal Vlorë, ku po merr kujdesin e nevojshëm nga mjekët.
Nga sa është mundur të mësohet, ngjarja në fjalë ka ndodhur në të njëjtin pallat që më parë ishte vetëhedhur 34-vjeçarja Pamela Mërtiri së bashku me fëmijën e saj në krahë .
“Më datë 03.04.2022, në lagjen “Pavarësia”, Vlorë, ka rënë nga kati i tretë i një pallati, shtetasja Gj. S., rreth 80 vjeçe, e cila ndodhet ne Spitalin Rajonal Vlorë, nën kujdesin e mjekëve’, sqaron policia në njoftimin e saj.