Radhët e gjata e kilometrike përgjatë gjithë sezonit turistik në Vlorë tashmë janë kthyer në traditë famëkeqe të qytetit më të frekuentuar të Shqipërisë gjatë verës.
Një situatë kaotike është krijuar pasditen e sotme nga Radhima tek Uji i Ftohtë, për shkak të trafikut tepër të rënduar. Ajo që bën përshtypje është se asnjë efektiv i Policisë Rrugore nuk shihet në këtë aks për të menaxhuar situatën, raporton Tirananews.al
Mjetet ndodhen të bllokuara në trafik prej një ore, ndërsa radhë kilometrike janë regjistruar në disa prej akseve të qytetit bregdetar, për shkak të numrit të lartë të pushuesve në këto ditë të nxehta gushti.