Një automjet është shkrumbuar nga flakët në orët e para të mëngjesit në qytetin e Vlorës. Ngjarja ka ndodhur në zonën e njohur si “Aleksandria” dhe bëhet fjalë për një benz, që i përket një punonjëse të tatimeve të Vlorës.
Ndërkohë policia ndodhet në vendin e ngjarjes, ku po heton edhe për shkaqet. Mësohet se grupi hetimor dyshon për zjarrvënie të qëllimshme me benzinë.
Informacion paraprak
Rreth orës 04:25, në lagjen ”Pavarësia” është konstatuar duke u djegur automjeti tip ”Benz”, në pronësi të shtetasit L.B., banues në Vlorë.
Grupi hetimor po punon për përcaktimin e shkakut të rënies së zjarrit.