Dy të rinj janë vënë në prangat e policisë pasi dyshohet se në bashkëpunim më njëri-tjetrin dyshohet se kanë një banesë mbrëmjen e djeshme në Peqin.
Në prangat e Policisë kanë rënë shtetasi me inicialet E.H., 30 vjeç, dhe D.H., 23 vjeç, banues në Kodras, Peqin. Arrestimi i tyre u bë pasi, dyshohet se në bashkëpunim me njërin- tjetrin , mbrëmjen e djeshme kanë vjedhur banesën e shtetasit Z.H., ku kanë marrë një sasi të konsiderueshme parash.
Deklarata e plotë e Policisë:
Policia në kohë rekord zbardh ngjarjen, identifikon dhe arreston autorët e dyshuar të vjedhjes së një banese ndodhur mbrëmjen e djeshme.
Specialistët e Hetimit të Krimit në Komisariatin e Policisë Peqin, pas një pune të mirëorganizuar hetimore dhe pas analizimit të pamjeve filmike e provave të tjera të grumbulluara, bënë kapjen dhe ndalimin me iniciativë të shtetasve: E.H., 30 vjeç, dhe D.H., 23 vjeç, banues në Kodras, Peqin.
Arrestimi i tyre u bë pasi, dyshohet se në bashkëpunim me njërin- tjetrin , mbrëmjen e djeshme kanë vjedhur banesën e shtetasit Z.H., ku kanë marrë një sasi të konsiderueshme parash. Materialet hetimore në ngarkim të shtetasve të lartëpërmendur, i kaluan Prokurorisë pranë Gjykatës së Shkallës Parë Elbasan për veprën penale ” Vjedhja”.