Një i ri shqiptar i cili ishte arratisur u lokalizua nga policia italiane dhe u arrestua pasi akuzohet për disa vjedhje në apartamente dhe vila, në 7 qytetet të Italisë.
Autoritetet prej muajsh ishin vënë në ndjekje të tij, derisa e arrestuan në Dalmine, në provincën e Bergamos. Policët “përdorën” të dashurën e tij, e cila pa dashje i çoi ata drejt vendit ku ishte fshehur 22 vjeçari, shkruan “Il Giorno”.
Para tij, karabinierët kishin prangosur dy bashkëpunëtorë në muajin gusht, përkatësisht një 24 vjeçar shqiptar, i cili u strehua në Robbiate dhe një 33-vjeçar i cili ishte në vend në burg në Lodi. Në atë periudhë, 22 vjeçari arriti t’i shpëtonte operacionit në minutën e fundit.
Policia arriti t’i identifikonte edhe falë përgjimeve. “Është më mirë të mos hyni më në shtëpitë e italianëve rrezikojmë të infektohemi me koronavirus…”, u dëgjuan të thoshin në një bisedë telefonike të përgjuar nga karabinierët.