Një ditë më parë bashkë me bashkëshortin Elida Cani u la në arrest shtëpie për moskallëzim krimi, për vrasjen e Arben Gjecit, babait të tre fëmijëve.
Krahas provave të tjera janë zbardhur edhe mesazhet në Instagram të 20-vjeçares me viktimën, e cila ka pranuar se kishte lidhje jashtëmartesore. Fillimisht ata ishin njohur në Instagram, ku kishin shkëmbyer dhe mesazhe. Ai që zbuloi tradhëtinë e Elidës ishte i shoqi, Dëfrim Kurti, pasi kishte lexuar këto mesazhe.
Mësohet se disa nga mesazhet që kishin “tërbuar” bashkëshortin dhe vëllain e 20-vjeçares nga Zall Bastari ishin ato ku kjo e fundit i thurte elozhe bashkëfshatarit të saj për përmasat e organit gjenital, me fjalët “Sa të madh e ke”. Babai i 3 fëmijëve kishte marrë plagë të rënda në kokë nga të cilat gjeti vdekjen në spital.
Autori i dyshuar i krimit, Esat Cani, vëllai i 20-vjeçares, i cili pranoi se kishte vrarë Arben Gjecin për të mbrojtur nderin e të motrës i eshte dhënë masa e sigurisë “arrest në burg”.
Ai ka pranuar të ketë debatuar me viktimën ditën kur ndodhi ngjarja, por mohon ta ketë vrarë atë. Ai ka rrëfyer se ishte bashkëshorti i Elidës, Dëfrim Kurti që kishte zbuluar tradhtinë. Të dy të rinjtë kishin vendosur ta vëzhgonin 20-vjeçaren për ta kapur në flagrancë me të dashurin në një kasolle pranë shtëpisë, ku 31-vjeçari Esat Cani e qëlloi me shufër hekuri pas koke.
Babai i 3 fëmijëve mori plagë të rënda në kokë, prej të cilave gjeti vdekjen në spital. Trupi i tij u la në anë të rrugës ku u gjet nga kalimtarët. Ngjarja e rëndë ndodhi disa ditë më parë në fshatin Bastar i Mesëm.