Një ditë pas ekzekutimit të biznesmenit dhe politikanit Ardian Nikulaj në Shëngjin, në Drejtorinë e Policisë së Lezhës ka shkuar vetë Drejtori i Policisë së Shtetit, Muhamet Rrumbullaku.
Grupi hetimor që po merret me këtë ngjarje mësohet se ka grumbulluar pamjet e sigurisë të dhjetëra bizneseve përgjatë rrugës Shkodër-Lezhë, për të zbardhur itinerarin që mund të ketë ndjekur autori që ekzekutoi me 7 plumba ish-kandidatin për deputet, brenda lokalit të tij në Shëngjin.
Autori i cili ende është në kërkim ka ardhur me një motor, ka ndaluar para lokalit të Nikulajt që ndodhet në shëtitoren në hyrje të Shëngjinit dhe është futur brenda ku e ka qëlluar Nikulajn nga një distancë rreth 2 metra larg. Pasi e ka qëlluar, ekzekutori është larguar nga vendi i ngjarjes po me motor duke humbur gjurmët.