Babë e bir, Pjerin dhe Gent Përjaku, u vranë nga ish-dhëndri i tyre, Besnik Pjetri. Viktimat jetonin në Itali prej 20 vitesh, ndërsa ishin kthyer në Lezhë vetëm një ditë më parë, por pushimet rezultuan fatale për ta.
Pasi janë kthyer nga një darkë familjare, ata janë drejtuar për në shtëpi ku si duket autori i dyshuar iu ka bërë pritë duke i ruajtur pranë banesës së tyre. Në momentin që viktimat janë futur në banesë, autori ka hapur deren dhe ka qëlluar drejt tyre në korridorin e shtëpisë ku ka rrezikuar dhe familjarë të tjerë.
Shkak për konfliktin janë bërë vajzat mes çiftit të divorcuar, të cilat mendohet se pas ndarjes nuk i ka takuar. Çifti ka patur konflikte të vazhdueshme edhe pse ishin divorcuar 6 vite më pare.
Fqinjët kanë treguar se familja e viktimave ishte e qetë ndërsa Genti ishte djalë i vetëm. “Familje e mirë, e mrekullueshme. Taksirati të gjen. Djalë i vetëm, atë djalë edhe vajzën kanë pasur. Vinin çdo vit këtej në Shqipëri, rrinin deri në 10 dite. Nuk e di se kur ka ndodhur, por asgjë nuk kam dëgjuar”, u shpreh njëri nga banorët.