Për vdekjen e 22-vjeçares Mahsa Amini, që ka ngritur gratë dhe vajzat e Iranit në këmbë, ka bërë që Shtetet e Bashkuara të Amerikës të vendosin sanksione ndaj shtatë zyrtarëve të lartë iranianë lidhur me kufizimin e qasjes në internet dhe “dhunën e vazhdueshme kundër protestuesve paqësorë”.
Në mesin e atyre ndaj të cilëve janë vendosur sanksione, më 6 tetor, është Yadollah Javani, shefi i Policisë së zbatimit të ligjit në Teheran. Amini u arrestua më 13 shtator nga Policia e moralit për mbajtjen e pahijshme të hixhabit, shaminë që gratë duhet të mbajnë në publik sipas ligjit iranian.
Departamenti amerikan i Thesarit tha se përveç Javanit, zyrtarë tjerë të sanksionuar janë: ministrin i Brendshëm, Ahmad Vahidi, ministri i Komunikimit, Eisa Zarepur dhe Vahid Mohammad Naser Majid, kreu i Policisë kibernetike iraniane.
Që nga vdekja e Aminit më 16 shtator, protestat anti-qeveritare kanë shpërthyer në Republikën Islamike.