Vrasja mëngjesin e kësaj të marte, erdhi pas një sherri që nisi në një lokal në fshatin Shelqet të Vaut të Dejës. Alfons Palushani vrau me kallashnikov me 7 plumba Agron Metushi, gjatë një konflikti për motive të dobëta.
Pas debatit mes tyre në një lokal të zonës, 37-vjeçari shkoi mori një armë dhe pasi u kthye qëlloi viktimën me 1 plumb në kokë, 4 në gjoks dhe 2 në krah.
51-vjeçari humbi menjëherë jetën. Pas ngjarjes ai u largua nga vendngjarja me një makinë tip BMW X5. Autori nuk është arrestuar ende nga policia. Palushani është emigrant në Angli dhe pak ditë më parë ishte kthyer në Shqipëri. Kanë qenë të paktë dëshmitarët për këtë ngjarje.