Ndryshon rrjedhë vrasja në Shkozë. Deri më tani u raportua se autori i vetëm ishte Roland Sinani i cili vrau kunatën e më pas veten, mirëpo Policia po heton përfshirjen e një personi të tretë.
Trupi i 43-vjeçarit është gjetur në oborrin e banesës, ndërsa arma e krimit është gjetur larg trupit të tij. Kjo ka shtuar dyshimet se një person i tretë mund të jetë përfshirë në ngjarje, pistë e cila tashmë po hetohet nga policia. Pas kqyrjes së trupit të 43-vjeçarit janë gjetur dy plumba, edhe kjo një pistë që çon në dyshime se një person tjetër mund të jetë i përfshirë në këtë ngjarje.
Burime nga policia thonë se ka dyshime të forta që babai i autorit, të ketë fshehur armën menjëherë pas ngjarjes. Nëna dhe babai i autorit janë shoqëruar në komisariat dhe po merren në pyetje.