Dorian Keqi, i arrestuar pak ditë më parë dhe i akuzuar se në shtator 2016 ka vrarë në një lokal ne Rrëshen ish-drejtorin e OST për veriun e vendit, Sajmir Jaku, është lënë në burg. Masa e sigurisë u dha sot nga Gjykata e Lezhës.
40-vjeçari u kap teksa drejtonte i dehur automjetin e tij. Duke pritur të dilte në gjyq për shkelje të rregullave të qarkullimit, verifikimi i shenjave të gishtave tregoi se ai është i dyshuari për vrasjen e Sajmir Jakut 6 vite më parë, dhe i plagosjes se Gjergj Markut, në të njëjtën ngjarje.
Keqi e ka mohuar akuzën, duke pretenduar se ditën kur është vrarë Jaku ai ka qenë në fshatin Vinioll të Kurbinit dhe jo në Rrëshen.